補習-政情：孫公死撐僭建教壞細路

繼環境局副局長潘潔之後，另一問責官員教育局局長孫明揚亦被揭發屋企有僭建物，而且仲係佢出任房屋及規劃地政局局長期間被屋宇署釘契，明顯係知法犯 法。孫公尋日向記者解釋時，不但冇公開向市民道歉，仲死撐有關僭建物好細，同「僭建聯」立法會議員陳鑑林嘅「僭建非大奸大惡」論一脈相承。孫公依家係管教 育，咁嘅態度點向全港教師、家長同學生以身作則呀？