補習,補習介紹,上門補習-
沈祖堯　雞鴨陪便便喊驚

【補習, 上門補習, 補習介紹】

中大校長沈祖堯本月初同一班師生參加無止橋慈善基金活動，到甘肅一條偏僻鄉村起橋，協助村民安全過河，仲經歷「黃金」三日，事關佢話嗰度冇廁所，「就咁掘個窿解決」，而側邊就有群雞鴨，「佢哋嘅嘢（便便）同人撈埋一齊」。沈祖堯話每次急急時都會諗：唔使去（便便）就好嘞，惟有盡量食少啲、飲少啲。
身為醫科教授嘅佢，專業意見係禽流感喺當地好易滋生，佢開餐時亦唔多安心，話唔明當地人煮熟咗啲麵後，點解要放喺河入邊沖？條河唔多乾淨喎，又奇怪點解要將啲麵放喺盤入面，再一齊撈起嚟食？好彩佢食完冇肚屙咋，否則又要喺雞鴨監視下，唔多方便地便便咯。