補習-莊偉茵撲學位煩到想死

香港人講到教育問題，人人咬牙切齒，國泰莊偉茵都身受其害，為咗撲國際學校學位而頭痛。咁辛苦唔係自用，而係幫工程師搵，事關國泰要請工程師嚟香港工作，好多外國專業人士要求公司為仔女搵學位，否則唔會嚟打工，據講莊偉茵十分苦惱，幾乎「搵到想跳樓！」
八方聽聞有大酒店想請大廚過江，想報讀貴族弘立書院，點知話要等三年，激到大廚跳起。國際學校學位緊張，因為好多本地家長霸佔學位，教育局副局長陳維安同常任秘書長謝凌潔貞啲仔女咪讀德瑞國際學校囉。
八方噚日又見到牛津副區域董事總經理麥嘉隆，據佢講華叔本遺作《大江東去》出版未夠半年，已賣出三萬本，相比其他書一般賣千幾本，成績係近年書壇罕見。