補習-老師心聲 「好多內容都冇讀過」

教院研究指受訪通識教師中，近七成人曾參加由教育局資助的通識科工作坊，卻甚少接受社會學、公民教育、公共行政等學科訓練。通識教育教師聯會主席許承恩承認，前線教師一般靠自己惡補知識：「好多內容我哋喺中學都冇讀過，有部份知識唔清楚甚至錯，都只能夠靠後天補足。」但他同意小部份老師或有個人政治取態或錯誤認知，可能錯誤影響學生思維。
許承恩指教院的研究反映了部份事實，但他認為通識教師的水平已較一般老師好，「同事一樣有講人大釋法，會講 Amina案同陳振聰，因為喺六大單元裏面，呢啲都係迴避唔到嘅問題，惟有做足功課，全方位去分析事件」。
同樣身為通識教師的通識教育教師聯會顧問張銳輝則認為，老師認知差異大，難一概而論，「我覺得今次研究係反映咗個一個實況，就係我哋老師真係好需要訓練同支援，以往我哋真係好少接受民主自由人權呢方面嘅訓練」。他指每位老師想法不同，課室內自主性大，難言老師的個人思想會否對學生造成誤導。

同學生一齊搵答案
面對同學有關人權法治的尖銳問題，張銳輝承認老師一樣會「口啞啞」，「其實係好事，因為學生有獨到嘅批判思維，一個好嘅通識老師係唔會介意，仲會同同學一齊去分析資料搵出最接近嘅答案」。