補習-3港青膺全球十佳畫家 馬其頓畫足7日

又有香港「神童畫家」衝出亞洲喇！噚日Emily收到喜訊，本港畫室博藝堂3名17歲學生，5月底歐洲馬其頓舉行、有「畫壇奧林匹克」之稱國際青少年及兒童繪畫賽中，擊敗全球600幾間畫室參賽學生，奪得「全球十大最佳青少年畫家獎」，真係可喜可賀！

相關即時新聞
台灣：積極維護南海主權(23:09)
中國指菲在南海作無端指摘(22:42)
胡錦濤將訪哈薩克談東突(22:07)

聽講，由大會最後挑選入決賽約百名青少年畫家，要被聯合國教科文組織列為世界文化遺產馬其頓古城即場畫畫，畫足7日，而今年大會更加埋「突擊測驗」，臨時要求每晚7點前參賽者都要交一份作品去評核，仲會隨時轉地點，考學生應變，令學生心理壓力好大，好在3個獲獎畫家何思穎、廖韻怡同吳佩穎事前訓練有素，不斷提醒自己冷靜咋。

思穎仲話，第一日去到驚畫唔切，帶隊劉sir叫佢朝早5點就要集合，而天氣亦陰晴不定，令佢好擔心。佢話贏到全球大獎可能因為佢畫有唔同風格，連中國水墨畫都畫埋，令人印象深刻。

5歲劉見之又揚威

比賽分為青少年同兒童組，本港「畫壇神童」、只有5歲劉見之亦有代表香港參加兒童組比賽，最後仲得到大會今年新增、專頒畀大躍進表現參賽者波高米爾大獎。大會話，見之畫一幅炭筆畫絕對係刮目相看之作，超出同年紀小朋友畫炭筆畫水準。

劉sir話，見之畫幅畫時有大批人圍觀，但佢都好冷靜，平時小朋友畫炭筆畫會搞到好污糟，但見之就好小心。不過，見之好似唔係好恨獎，當日佢一畫完畫就覺覺豬，搞到評判當日要讚佢時都要特登叫醒佢！