補習-政情：孫公壓書商嚴人寬己

新學年教科書書價曝光，書商只將小部分新版教科書及教材分柝出售，部分分拆後嘅教科書價格只係減好少，甚至冇減價。

當局難以向家長交代，尋日就出動被僭建醜聞纏身嘅教育局局長孫明揚向書商施壓，義正詞嚴批評書商分拆教科書同教材一拖再拖，要求書商用一年時間搞掂分拆，否則當局會引入競爭，實行大石砸死蟹，仲陰謀論話書商用三年時間分拆教材有「玄機」，真係乜都佢講晒。