補習-市民點睇

潘太：「屋企三個小朋友都讀緊書，兩個讀小學，一個讀緊中學，每年新學年只係買書都用成6,000幾元，加上依家物價上漲，如果政府招標去迫教科書快啲分拆，學生用書可以有減價空間，咁對市民都有利。同埋其實有時見小朋友有啲書本，隨書附送嘅教材都用唔着，好似電腦書嘅光碟，只係見用一、兩次就無用，如果學校可以提供教材，教科書又唔使成日改，等阿哥讀完都可以畀妹妹用就較好。而且出版商印書可以唔使用太好嘅紙張，用少啲圖片，應該可以慳成本，同埋唔使令小朋友養成咩都要用得靚！」

應引入競爭

　　林同學（中三學生，左）：「今年新學年買齊一套書都要超過2,000元，連埋細佬，買書開支都幾大，雖然對屋企唔算話係一個負擔，但自己以前用開舊書，但之後因為教科書改少少轉新版，老師會要我哋再買，咁少改動又去買新書都唔係咁好。如果政府招標引入競爭都幾好，有競爭先可以調低價錢的可能，咁可以幫經濟有困難嘅家庭減低負擔，如果來年真係招標的話，最好可以將價錢調低近半。」