補習-隔牆有耳：諾獎名教授食糉被考起

1996年諾貝爾生理學及醫學獎得主彼得．道荷堤教授（ Professor Peter Charles Doherty）近日訪港，噚日在香港大學校長府，與 25個預科生及醫科生一齊食飯。教授暢談未來對抗流感等病毒嘅發展方向及挑戰，又分享多年科研工作心路歷程以及獲諾貝爾獎感受。
教授學富五車唔怕學生提問，卻被另一樣嘢考起。原來學生趁端午節前夕，預備咗鹹肉糉及紅豆糉各一畀教授品嚐，點知教授見到兩隻糉紮埋一大嚿嘢，唔知如何入口，反問學生應該點樣食糉。
現場所見，教授似乎對紅豆糉比較對胃口，鹹肉糉淺嚐幾口啫。孝敬諾貝爾獎得主嘅糉，來頭係咪好勁先得呢？唔一定，八方聽聞係 M字頭飲食集團出品。