補習-隔牆有耳：開會玩 iPhone　楊哲安激嬲老師

落注六合彩揀冧巴各師各法，生日、三圍數字、身份證號碼真係乜都有，拜科技進步， iPhone apps為大家解決揀冧巴煩惱，下載六合彩嘅 apps就可以隨機選出號碼。 iPhone幾乎萬能，難怪用家愛不釋手，包括教育局政治助理楊哲安。
有教育界人士日前同教育局高官開會，楊政助在場，不過大部份時間都係拎住部 iPhone捽吓捽吓，在場有個資深老師好睇唔過眼，會後同八方講：「如果佢係我學生，上堂掛住玩 iPhone，一早就叫佢出去罰企。」
想當年八方上堂都不太留心，家亦係用 iPhone，因此好理解 iPhone對楊政助嘅吸引力，其實 iPhone唔止用嚟玩，仲可以做好多正經嘢，老師，睇開啲啦。